MAHATMA GANDHI NATIONAL RURAL EMPLOYMENT SCHEME
Lunglei RD Block ah hian MGNREGA hi kum 2007 atangin kalpui tan a ni a. Tunah hian RD Block Lunglei huam chhung Khaw 58 ah hmalak mek a ni.
MGNREGA hi India Sawrkar Flagship Programme kalpui mek a ni a. Thingtlang mipuite dinhmun sawhnghehna tura ruahmanna niin a tum bulpui ber chu sawrkar kum khat chhunga thingtlang mipuite ni 100 inhlawhna siamsak a ni. Thingtlanga cheng, thiamna nei lo, hnathawh tur mamawh tawh phawt chuan Programme Officer/BDO/Gram Panchayat/VEC te hnenah dilna siamin, an dilna hi a dik a pawm anih chuan hnathawhna tur JOB CARD siamsak thin an ni. Chutiang Job Card nei tawhte chuan Gram Panchayat/VEC hnenah hnathawh tur dilin an hnathawh tur chu MGNREGA sum kaltlangin an lo siamsak thin. Hnathawh zawh a nih veleh mipakhat tan nikhat ah Rs.249 (April 2023 atangin hman tan a ni) angin an hlawh hi Bank a Job Card Holder emaw Family te Account ah lutin mipuiten an remchan hunah an la chhuak thin. Hnathawhtur hi kum tin October thlaah Gram Sabha – in a enfel hma sa vek thin a, heng a hnuaia tarlan hrang hrangte hi hnathawh theih dante chu a ni.
(a) Tui khawl leh seng khawmnaah
(b) Khawkheng laka invenna tura ram ngaw siam leh humhalh naah
(c) Tui kawng tha zawk siamna turin
(d) Tui kawng siamna turte, Plantation, Horticulture leh Land Development ang chi ah te hian tlangmi an nih chuan hmalak sakna tur leh Land Reform tura hmalakna
(e) Tuikhur / Tui lak siam that leh a enkawlna tur atan.
(f) Ram leilung tih hmasawn nan.
(g) Tuilian venna leh tuihawk luanna siamna atan
(h) In kalpawhna tha siam, heihian a mamawh dan a zirin culvert pawh siam theih a ni.
(i) Hna dang Central sorkar-in pawimawh a tih State sorkar nen inrawn a thawh tur ang chi hna hrang hrangah te hian Village Level Vigilance and Monitoring Committee chu hnathawh dan tur kawh hmuha viltu atan ruat a ni.
